Þurfti að mana sjálfan mig uppí nektarmyndatöku

Ekki fyrir svo löngu síðan hringdi þessi frábæra kona, Sigga Lund í mig og "pitchaði" fyrir mig hugmyndinni um að halda námskeið Þar sem yfirskriftin væri Sjálfstraust óháð líkamsþyng. Þetta var algjörlega að slá í takt mínar hugsjónir og kom ekki annað til greina en að taka þátt í þessu.

Svo nefnir Sigga þá hugmynd að við mundum sitja fyrir naktar til að vekja athyglinni á námskeiðinu og hvað það stendur fyrir. Það tók mig alveg smá stund að mana sjálfan mig uppí þetta. Ég held að það séu ekki margir sem finnast það lítið mál að strippa fyrir framan 2 manneskjur sem maður hefur nánast aldrei hitt, og hvað þá að fá ljósmyndara til að mynda mann.

Ég reyndi að hugsa lítið sem ekkert um myndatökuna, en þegar sjálfur dagurinn rann upp komst ég ekki hjá því að finna fyrir töluverðu stressi. En um leið og það var búið að brjóta ísinn, við allar komnar úr fötunum og búnar að stilla okkur upp fyrir fyrstu myndirnar þá varð þetta bara ekkert mál.. frekar svona "liberating"

Sem betur fer vorum við með færan ljósmyndara og það sem gaf mér alveg extra sjálfstraust var Spray-tannið og make-upið sem var í höndum hennar Sollu hjá NYX snyrtistofu. Ég ætlaði varla að þekkja sjálfan mig í spegli eftir meðferðina.

Og nú þegar myndirnar eru komnar í lofið og umræðan í kringum þau byrjuð þá getum við ekki verið annað en ánægðar með viðtökurnar og finnum virkilega fyrir því hvað það var mikil þörf á umræðunni og hversu kærkomið þetta námskeið er!

Þetta verður alveg ótrúlega skemmtilegt, fróðlegt og þær konur sem munu taka þátt í þessu með mér eru algjörir snillingar og hafa svo mikið gott að segja um málefnið. Við ætlum að koma gestum skemmtilega á óvart ásamt því að veita þeim tól sem þær munu geta nýtt sér eftir námskeiðið til þess að auka sjálfstraustið og ná sáttinni við sjálfan sig... einfaldlega bara byrja að elska sig eins og maður er , og í frammhaldi af því þá verður allt svo miklu auðveldara

*** Ekki láta þetta frammhjá ykkur fara þetta er einstakt tækifæri. Þið getið keypt miða hér: http://www.salurinn.is/midasala-og-dagskra/vidburdir-framundan/nr/140

 

 

 

 

Athugasemdir

[Anna (IP-tala skráð) 10.2.2013 kl. 22:35]

Ég kemst því miður ekki þennan dag en finnst þetta frábært framtak hjá ykkur. Ætli þið ekki alveg örugglega að endurtaka leikinn og bjóða upp á annað námskeið?

[Sunna Kristinsdóttir (IP-tala skráð) 11.2.2013 kl. 00:08]

Það er ekki til nein snyrtistofa sem heitir NYX, NYX er snyrtivörulínan? .. Hvar vinnur þessi Solla?